أنا عارف انك يا ربي خلقتني لمجدك
علشان تِشبع بحُبي ويتلذذ قلبك
خلقتني وجبلتني وصنعتني لذاتك
عشمان إنَّك معايا تِلاقي لَذَّاتَك
القرار
عَيِّشني ليك واملا أركان حياتي
أرجوك يا ربي اسمع لتَضَرُّعَاتي
اشبعني بيك واشبع إنت بصلاتي
أنا عارف انك ياربي عايز تشوف فيّ
أثمار كتير تعلن مجدك يا فاديّ
غرستني وطعّمتني وثبّتّني في كَرْمَك
علشان تشوف وتشبع من تعب نفسك
القرار
عَيِّشني ليك واملا أركان حياتي
أرجوك يا ربي اسمع لتَضَرُّعَاتي
اشبعني بيك واشبع إنت بصلاتي
أنا عارف انك يا ربي عايز حياتي تقول
دا كلام كتير قلته من غير ما اعيش القول
قلته كتير عشته قليل من غير دليل أحياه
لكن لَقيتني باقول كلام كتير وانساه
القرار
عَيِّشني ليك واملا أركان حياتي
أرجوك يا ربي اسمع لتَضَرُّعَاتي
اشبعني بيك واشبع إنت بصلاتي
يُردَّد القرار بعد كل مقطع