النَّاس دِي عايشَه حياتها ف مرارَة
ف أيَّام حزينه ما لْهَاش ملامِح
كُلُّه بيِشكي مَا فْهَاش أمان
فيها الِّلي جَاي زَيّ الِّلي رايِح
إلاَّ وِلادَك موضُوع غلاوتَك
لِيهُم مَكَانَة وأيّ مَكَانَة
فِي حِضْنَك إنْتَ بِتِحْتِوِيهُم
بِحُبّ دَافِي مَا لُوش نِهَايَة
وِلْسَان بِيحكِي عَ الضِّيقَة دَايمًا
ونفُوس حزينَة عمَّالَة تِشكِي
دِي العِين بَصِيرَة والإيد قَصِيرَة
وِمِين لِحَالُه يقدَر يوَفِّي
وولاد أسود بتجوع وتطلب
أما ولادك في الخير يباتوا
تعرف تنجي م الضيقة ربي
واللي يعوزك تغمر حياته
وِنْفُوس حَيَارَى مِش عايزَه تِرسِي
وَلا قادرَه تِدِّي لِلرَّبّ لحظَة
وبُكرَه يِمكِن مَا يْجِيش علِيها
وِهِيَّ رَاسْمَه خِطَّة لِبُكرَه
لَكِن حبيبي مِرسَاة لِنَفسي
ثَابِت وصَادِق دايمًا أمين
سَلِّمتُه عُمري ومِجْدَاف سفينتي
وِفِين مَا هَارْسِي هَالقاه مُعِين