يسوع زي عادته
كان معاه ناس كتير
بتحب تسمع لكلامه
اصله حلو وليه تأثير
جاله رئيس المجمع
مكان العباده زمان
راجل اسمه يايرس
سجد له وكان قلقان
القرار
هاسبح ربي عشان
ف حزني هو حسسني
وليه عالموت سلطان
لما اندهله بينقظني
بنته كانت عيانه
والوقت عمال يفوت
راح وقال ليسوع تعالى
الحقها لحسن هاتموت
وافق وراح معاه
والزحام كان شديد
جاله واحد قاله
دي بنتك ماتت اكيد
القرار
هاسبح ربي عشان
ف حزني هو حسسني
وليه عالموت سلطان
لما اندهله بينقظني
قاله يسوع ماتخافشي
وخلي عندك ايمان
وصل معاه ولقى ف البيت
الحزن مالي المكان
ويسوع دخل اوضتها
مع ابوها وامها
امرها تقوم فقامت
وطلب يدوها اكلها
القرار
هاسبح ربي عشان
ف حزني هو حسسني
وليه عالموت سلطان
لما اندهله بينقظني
يُردَّد القرار بعد كل مقطع