20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

اتبع يسوعي

العربية

دا قرارك ودا اختيارك
إنك تطيعه وتسمع لصوته
لازم تفكَّر علشان تقرر
لو عايز تبقى واحد مِن ملكوته
تبقى حَبيبُه وتشيل صَليبُه
وتعلِّي صوتك وتهتف معانا
القرار
أتبع يسوعي... أتبع حبيبي
اللي فداني وضحَّى بدماه
هافضل معاه كل الحياة
هامشي وراه واعيش في رضاه
يمكن مرات تحصل ضيقات
جايز تعدي ف صعاب كتير
امشي في النور ها تعيش مسرور
اطمِّن جدًا معاك الرب قدير
امسك في إيده اوعى تسيبه
وعلِّي صوتك واِهتف معانا
القرار
أتبع يسوعي... أتبع حبيبي
اللي فداني وضحَّى بدماه
هافضل معاه كل الحياة
هامشي وراه واعيش في رضاه
فكَّر في حالك وخلِّي بالك
ما تكونش ماشي معاه من بعيد
خلِّي كلامك يعلن إيمانك
وتعيش بقداسة وأمانة وحُب شديد
في السماوات فيه مكافآت
فعلِّي صوتك واهتف معانا
القرار
أتبع يسوعي... أتبع حبيبي
اللي فداني وضحَّى بدماه
هافضل معاه كل الحياة
هامشي وراه واعيش في رضاه

يُردَّد القرار بعد كل مقطع