اتكلم يارب
مش عارف فين الطريق
اتكلم يارب
انا في بحور الحيرة غريق
أصوات كتيرة من حواليا
صوت مشاعري وصوت الحية
مبقتش عارف اللي أنا سامعه
صوتك ولا حرب عليا
القرار
باسكن نفسي قدامك
وباسكت كل الأصوات
لما يعلى صوت الروح
يتفسر صوت السكات
أتكلم يارب
اللي تقوله هانفذه
أتكلم يارب
هاعمل بكلامك وأحفظه
أنا عايز بس أرضيك
خطواتي ورا خطوايك
قاعد بقربك متلذذ
أتكلم مستنيك
القرار
باسكن نفسي قدامك
وباسكت كل الأصوات
لما يعلى صوت الروح
يتفسر صوت السكات
أتكلم يارب
صوتك حق مليان رحمة
أتكلم يارب
كلامك هو حلول الأزمة
أبعت كلمتك تشفينى
تطمن قلبي وتهديني
وتحررني من كل زحمة
وأيدك ماسكة بيميني
القرار
باسكن نفسي قدامك
وباسكت كل الأصوات
لما يعلى صوت الروح
يتفسر صوت السكات
يُردَّد القرار بعد كل مقطع