و ف يوم م الأيام بالليل
تحديداً في 2 أبريل
شوفنا ف منظر حلو جميل
جنب القُبَّة حمام بيدور
و النور يتحوِّل أشكال
شيء مالهوش زَي و لا مثال
واقفة العدرا بكل جمال
و ده كان أحلَى و أغلَى ظهور
القرار
أم النور الحلوة الطاهرة
فوق القُبَّة كانت ظاهرة
و الناس واقفة ف أحلَى مظاهرة
جُم من كل بلاد الكون
القرار
لابسة التوب الأبيض و الطرحة
كل الناس طايرة من الفرحة
لما شافوها و لما لاقوها
ظهرت فى كنيسة الزيتون
ظهرت تاني و تاني كمان
ف أيديها ماسكة الأغصان
بتشاور للناس بحنان
و بتبعت ليهم سلامات
بالزغاريط ويَّا الألحان
وقفوا الناس و ف كل مكان
بيرنموا بفرح و إيمان
و بيمدحوا كل الأوقات
القرار
أم النور الحلوة الطاهرة
فوق القُبَّة كانت ظاهرة
و الناس واقفة ف أحلَى مظاهرة
جُم من كل بلاد الكون
القرار
لابسة التوب الأبيض و الطرحة
كل الناس طايرة من الفرحة
لما شافوها و لما لاقوها
ظهرت فى كنيسة الزيتون
كانت جاية العدرا عشان
تباركنا و توهبنا أمان
و بتزرع في قلوبنا إيمان
و بتبعت في الضيقة سلام
بتطمِّن كل الخايفين
و بترشد قلب الخاطئين
و بتسند كل الواقعين
و تعين إللي ف قلبه آلام
القرار
أم النور الحلوة الطاهرة
فوق القُبَّة كانت ظاهرة
و الناس واقفة ف أحلَى مظاهرة
جُم من كل بلاد الكون
القرار
لابسة التوب الأبيض و الطرحة
كل الناس طايرة من الفرحة
لما شافوها و لما لاقوها
ظهرت فى كنيسة الزيتون
يُردَّد القرار بعد كل مقطع