احكى لى عن بشرى غريبة حملها ليكى جبرائيل
وازاى أنت صدقتيها ببساطة ومن غير تقويل
احكى لى مشاعرك فى المزود جنب البقرة والخرفان
وفى حجرك ابنك والهك و مدبر كل الأكوان
القرار
احكى لى يا أمى وقوليلى عن كل مواقف عشتيها
واطلبى من أجلى و صلى لى علشان أفكر زيك فيها
احكى لى عن رحلة بيهرب فيها الخالق من المخلوق
وانت قبلت واتحملت طول السير فيها بهدوء
احكى لى عن طاعه ابنك ليكى وليوسف النجار
وازاى قضى طفولته معاكم يخضع ليكم باستمرار
القرار
احكى لى يا أمى وقوليلى عن كل مواقف عشتيها
واطلبى من أجلى و صلى لى علشان أفكر زيك فيها
احكى لى عن طلبك منة يوم عرس قانا الجليل
وازاى طلبك غالى عندة بيجاوبة من غير تأجيل
احكى لى عن فترة مريرة جازت فيها فى نفسك سيف
وانت شايفه جلدة وضربة و شهادة كلها تزييف
القرار
احكى لى يا أمى وقوليلى عن كل مواقف عشتيها
واطلبى من أجلى و صلى لى علشان أفكر زيك فيها
احكى لى عن يوم الجمعه و انت هناك تحت الصليب
وازاى كان بيفكر فيكى وكمان فى يوحنا الحبيب
احكى لى عن مشوارة قبرة باكر والناس لسة نيام
عن صوت الملاك بينادى أنة بالحقيقة قام
القرار
احكى لى يا أمى وقوليلى عن كل مواقف عشتيها
واطلبى من أجلى و صلى لى علشان أفكر زيك فيها
يُردَّد القرار بعد كل مقطع