إحنا مين؟!
إحنا لينا جدود عظيمة مؤثِّرين
عاشوا شُجعان في الحياة و منوَّرين
التاريخ شاوِر عليهم من زمان
و الأسامي حروف دهب و محفورين
إحنا مين؟!
إحنا أولاد إللي ضَحُّوا من سنين
حتَّى قُدَّام الولاة رفَعوا الجِبين
كانوا أبطال حافظوا دايماً ع الإيمان
بِقيوا لينا أباء أمينة و مُرشِدين
القرار
(كل واحد عنده في الدنيا دي دور
إحنا سُفَراء
إحنا ملح
إحنا نور
القرار
يعني علشان نِبقَى قادرين ع إللي جاي
يبقَى لازِم برضُه نِرْجَع للجُذور)x2
إحنا مين؟!
إحنا على اسم المسيح مِتسمِّيين
و بوجوده بقينا أصلاً موجودين
اِتخلَقْنا عشان رسالة في الحياة
مش يادوب أرقام في عالَم مَنْسِيين
إحنا مين؟!
مش هدفنا نكون مجرَّد مشهورين
أو وشوش بين الخلايق معروفين
إحنا في ايدين ربنا أعظم أداة
مِ التحدِّي و مِ المُعافرة مصنوعين
القرار
(كل واحد عنده في الدنيا دي دور
إحنا سُفَراء
إحنا ملح
إحنا نور
القرار
يعني علشان نِبقَى قادرين ع إللي جاي
يبقَى لازِم برضُه نِرْجَع للجُذور)x2
يُردَّد القرار بعد كل مقطع