أردت أنا فرنسيس
آآخذ يسوع مثالفي البر والقداسة
أسلك زي الشجعان
ورجعت لأسيزي
وطلعت راكب حصان
لقيت في طريقي أبرص
متروك مرفوض م الناس
كرهت نفسي المنظر
وإتملى قلبي أفكار
أهرب وطريقي أغير
وأعيش بأمان فرحان
صليت قلت يا ربي
إديني قوة وإرشاد
وإزاي أكون عبدك
ومن حبك مش مليان
دا جندي المسيح ربي
يتخطى صعاب وصعاب
فساعدني أنا فرنسيس
أقبل أخي الإنسان
قلبي بقي فرحان
وحصاني تركته كمان
للأبرص أنا جريت
وحضنته في انتصار
من حبي ومالي إديته
فرحت بأخي الانسان
اعمالك محبه ورحمه
قدمها بإتضاع
رجعت أنا فرنسيس
كملت تاني المسير
وفي لحظة نظرت ورايا
واندهاشي بدأ يزيد
فين الابرص وإزاي
اختفي بشكل عجيب
قولي ياربي جاوبني
ولا تتركنى أسير
في هدوء وتفكير
لقيت إلهي القدير
هو اللي ظهر لي
كإنسان أبرص فقير
حملت ياربي خطايا
وبرص العالمين
أنُشد وأسبح اسمك
أديت عبدك كتير