اسمع يا عريس لوصايا الله
واشكره على خيره وعلى عطاياه
وعروستك دي امانه في ايدك
وهتبتدي بيها احلى حياه
ياعروسه هتنسي خلاص
شعبك وتملكي لعريسك قلبك
تتهني معاه عمر بحاله
(تتسندي عليه ويكون جنبك)x2
القرار
(ويبارك ربنا في حياتكوا
ويحلي سنينكوا واوقاتكوا)x2
ويخليكوا لبعض تملي
تبنوا كنيسه جميله في بيتكوا
ياعريس كلمه وجايلك اقولها
اوعى في يوم يعني تزعلها
شيلها في عينك حن عليها
الليله بقيت مسؤل عنها
يا عروسه عريسك اخضعي ليه
بمحبه راضيه دايما وراعيه
زي ما عايزاه هو يحبك
(من قلبك ومشاعرك حبيه)x2
القرار
(ويبارك ربنا في حياتكوا
ويحلي سنينكوا واوقاتكوا)x2
ويخليكوا لبعض تملي
تبنوا كنيسه جميله في بيتكوا
لو تزعلوا خلوا ما بينكوا عتاب
ولبعض اعملوا في غيابكوا حساب
كملوا مع بعض لحد ما يوم
شعركوا تلاقوه ابيض وشاب
امسكوا في ايدين بعض وصلوا
بيتكم ولا حاجه هتحصله
ويسوع علشان جوه المركب
(مش ممكن امواج توصله)x2
القرار
(ويبارك ربنا في حياتكوا
ويحلي سنينكوا واوقاتكوا)x2
ويخليكوا لبعض تملي
تبنوا كنيسه جميله في بيتكوا
يُردَّد القرار بعد كل مقطع