الأيام الصعبة تعدي
والموجة لو عالية تهدي
(وجفافنا لو طال هاتندي
بالخير تيجي وبالاحسان)x2
بحضورك هاترف علينا
سور نارك ده من حوالينا
(وهايتعظم اسمك فينا
نعلن نصرنا بالايمان)x2
شوقنا يا رب نكون وياك
وعينينا باصة لسماك
(ننسى احزاننا واحنا معاك
يوم ما تاخدنا بالأحضان)x2
كل مرارة احنا عشناها
والألمات اللي دقناها
(هايبدلها يسوع ياهنانا
يسبينا قلبه الحنان)x2
مجد ابدي منتظرنا
والسما هاتكون عنواننا
(ومعاك ننسى كل ألمنا
لما نشوفك بالعيان)x2
نهتف مجدا للحمل
ده مات علشانا واحتمل
(وفرحنا بشخصه اكتمل
يأسرنا مجده الفتان)x2