20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

الخطية عملت سحابة

العربية

(الخطية عملت سحابة
فوق عيون كل البشر
ليه الخطية أهم حاجة
والشر جوانا انتشر)x2
(والقلوب تاهت خلاص
وسط زحمة الخطايا
عايشة يومها وخلاص
ناسية أهم الوصايا)x2
القرار
(بس لسه برضو فيَّ
شمس تشرق من جديد
لما يسوعنا نلاقيه
يقضي ع الظلام أكيد)x2
(الخطية عملت سحابة
الغيمة فيها مالهاش حدود
منَّا ضاعت كل حاجة
والسلام امتى يعود)x2
مستحيل ترجع حياتنا
طول ما إحنا في البُعاد
وإزاي نرفع صلاتنا
وإحنا لسه في العناد
القرار
(بس لسه برضو فيَّ
شمس تشرق من جديد
لما يسوعنا نلاقيه
يقضي ع الظلام أكيد)x2
(وإمتى يا عتمة قلوبنا
تبقي نور يملا الحياة
خلاص آسينا خلاص تعبنا
والآه بتطلع ألف آه)x2
(ده رجانا إن الظلام
يبقى نور قدام عينينا
بكره نملا الكون سلام
والسلام هو فادينا)x2
القرار
(بس لسه برضو فيَّ
شمس تشرق من جديد
لما يسوعنا نلاقيه
يقضي ع الظلام أكيد)x2

يُردَّد القرار بعد كل مقطع