20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

الكلمة منك مش أوهام

العربية

الكلمه منك مش أوهام
والوعد قلته ومش أحلام
الكلمه ثابته ووعدك حق
وانت على وعدك سهران
ما هو انت رب ومش إنسان
تقول وتوفي وليك سلطان
صادق أمين مش هاقبل شك
أصلك أمرت ومش ندمان
القرار
جايين وواثقين إنك حي
موجود يا رب بنترجاك
ماسكين في وعدك إنك جاي
بجود عظيم للي استناك
القرار
موجود يا رب بنترجاك
إِلهِي حي بنستناك
رب الخليقه وكل الأرض
عندك مساند تدي ضمان
لو الجبال راح يوم تنهد
مش راح يزول عنا الإحسان
بالنعمه تسند ضعف القلب
وبكلمه تشفي من الأحزان
الخوف تقابله بغمر الحب
تزيله فيزيد الإيمان
القرار
جايين وواثقين إنك حي
موجود يا رب بنترجاك
ماسكين في وعدك إنك جاي
بجود عظيم للي استناك
القرار
موجود يا رب بنترجاك
إِلهِي حي بنستناك
الكلمه ثابته في كل زمان
حقيقه مع كتر الأوهام
وحتى لو للشك مكان
دي ليها وقت أكيد ها تبان
هضاب جبال وسهول وديان
كل اللي ها تدوسه الأقدام
ميراثي هاملك رغم الحرب
مغلوب عدوي ومِش شمتان
القرار
جايين وواثقين إنك حي
موجود يا رب بنترجاك
ماسكين في وعدك إنك جاي
بجود عظيم للي استناك
القرار
موجود يا رب بنترجاك
إِلهِي حي بنستناك

يُردَّد القرار بعد كل مقطع