انا بنتهى من قبل حتى ما ابتدى يافرحة ليه عماله عنى بتبعدى
مريم يا امي و ام ربى وسيدى مت وبمثل ان جوايا حياة
القرار
يا عدرا انا حزنى وصل اخر مدى و زاد قوى حملى وهمى
بكتب وبحكيلك يا امى ودموعى نازلة ع الورق ومغرقاه
مريم يا ام النور انا جوايا ليل وبتقل حملى مشفتش مثيل
قولى ليسوع يرحمنى من حملى التقيل غرقان فى بحر من التعب عاوز نجاة
القرار
يا عدرا انا حزنى وصل اخر مدى و زاد قوى حملى وهمى
بكتب وبحكيلك يا امى ودموعى نازلة ع الورق ومغرقاه
مشاكلى ياعدرا دى فوق الاحتمال وهموم سنينى اتكومت زى الجبال
ما فرحت واتهنيت ولا بيرتاحلى بال محتاج يا امى تسندينى بالصلاة
القرار
يا عدرا انا حزنى وصل اخر مدى و زاد قوى حملى وهمى
بكتب وبحكيلك يا امى ودموعى نازلة ع الورق ومغرقاه
يُردَّد القرار بعد كل مقطع