أنا محتاج أتقرَّب منك
تفتح روحي وشوقي يزيد
وألقى صفاتك واخداني عندك
ويدوب قلبي ب غمر جديد
ويبقى دا حالي .. وبيحلالي
ف طول ترحالي .. ما أروحش بعيد
أنا محتاج أتقدس أكتر
جوة وقائد نور ونار
أطرد كل الضلمة و أبتُر
كل حبال للشر حصار
نور لعنييَّ .. و نارك ليَّ
يحكموا فيَّ .. مين أختار
أنا محتاج تبعية أصيلة
نفس آثار خطوات رجليك
ما حدش السكة وعينيَّ رقيبة
على منهاجك مسلكي ليك
تلميذ بأتعلِّم .. فيك يا مُعلم
عمري بأسلِّم ... جوة إيديك
أنا محتاج تتميم للدعوة
وكل مقاصد قلبك فوق
كما ف سماك هنا ليك بالنعمة
ساعدني أعيشها وأكون لك بوق
مغسول بالدم ... وليك بأخدم
شغلك بيتم .. ولا شئ بيعوق