(ايام تقال والسكه صعبه ومتعبه
وانا لو لوحدي هاتكسر
واغرق واضيع
معقول تكون مابقتش
جوه المركبه
وتسيبني اخاف للدرجه دي
في اول هزيع)x2
القرار
افرد ايديك ضد الرياح
وابكمها قبل ما تلتهم عصب الشراع
مش عايز اكون قليل ايمان
إهاب هياج الموج واخاف م الارتفاع
صفي العواصف والغيام
وأومرها تهدأ عشان يبان
كل اللي تاه
(عايز ابقي جنبك في الامان
مش اي محنه تشدني
لعكس اتجاه)x2
القرار
افرد ايديك ضد الرياح
وابكمها قبل ما تلتهم عصب الشراع
مش عايز اكون قليل ايمان
إهاب هياج الموج واخاف م الارتفاع
(فيك التعافي والشفا
والادويه ومفيش معاك
خوف من زلازل أو حروب
شمسك بترسم بهجه
فوق الاوديه
وبكلمتك يخمد حريق بعد النشوب)x2
القرار
افرد ايديك ضد الرياح
وابكمها قبل ما تلتهم عصب الشراع
مش عايز اكون قليل ايمان
إهاب هياج الموج واخاف م الارتفاع
بدل قلقنا بالارتياح
واجبر كسورنا وعدها للألتيام
(والعمر مايضعش في صراع
وتعدي بينا الرحله
دي في حضنك سلام)x2
القرار
افرد ايديك ضد الرياح
وابكمها قبل ما تلتهم عصب الشراع
مش عايز اكون قليل ايمان
إهاب هياج الموج واخاف م الارتفاع
يُردَّد القرار بعد كل مقطع