خير وأمان فرح وسلام
ده حلم كل المصريين
كفاية ظلام شبعنا كلام
دي هي صرخة كل حزين
حُب البلد مش أغنية
ولا يافطة تنادي بحرية
حُب البلد دي ركب ساجدة
وايدين مرفوعة ليل ونهار
ودموع تخلِّي
القلوب تصلِّي
وتقوله يلا
تعالي يا بار
القرار
بَحِب مصر وبصلِّي
لولادها وشعبها
بَحِب مصر ومستنِّي
ملكوتك وسطها
القرار
إنت وعدت هاتيجي
وتشفي أرضها
رحمة وجود رجاء ووعود
لكل قلب مصدق فيه
لمسة تغيير شفا وتحرير
لكل إيد مرفوعة إليه
دي محبته ليك دي أبدية
قدم حياته ليك وليَّ
عايزك تكون لاسمه شهادة
وف وسط الضلمة تكون النور
للي هايملى
بلادنا بمجده
زي المياه
ما تغطي بحور
القرار
بَحِب مصر وبصلِّي
لولادها وشعبها
بَحِب مصر ومستنِّي
ملكوتك وسطها
القرار
إنت وعدت هاتيجي
وتشفي أرضها
يُردَّد القرار بعد كل مقطع