القرار
برمي أحمالي عليك وبخوفي بركض لَيك
بعرف أنّك ما بتنساني وشايلني بعينيك
القرار
وأنا لمّا بشوفك قدّامي بتصغر بعيوني آلامي
وبتذكّر أنّه آلامك كانت بسببي وعلى شاني
لمّا بتقسى عليّي ظروفي والفقر ينشّفلي كفوفي
ما بيريّحني إلاّ وقوفي قدّامك يا يسوعي مثالي
يا غني وافتقر كرمالي يا كريم ومحتقر بدالي
من أجلي دمّك الغالي قدّمته سترني وغطّاني
القرار
برمي أحمالي عليك وبخوفي بركض لَيك
بعرف أنّك ما بتنساني وشايلني بعينيك
القرار
وأنا لمّا بشوفك قدّامي بتصغر بعيوني آلامي
وبتذكّر أنّه آلامك كانت بسببي وعلى شاني
لمّا الريح بتبقى قويّة وأنا ببحر أمواجه عتيّة
بتذكّر أنّه سلطانك على كلّ الكون وعليّي
أو لمّا المرض بيتعبني أو فكر الموت بيرعبني
بتذكّر أنّك كاتبني بسفرَك وكلامَك أحياني
القرار
برمي أحمالي عليك وبخوفي بركض لَيك
بعرف أنّك ما بتنساني وشايلني بعينيك
القرار
وأنا لمّا بشوفك قدّامي بتصغر بعيوني آلامي
وبتذكّر أنّه آلامك كانت بسببي وعلى شاني
يُردَّد القرار بعد كل مقطع