بعد الرحلة والمشوار
هانلقى الفرحة هناك في الدار
يسوع يجلسنا كمان يخدمنا
ويهنينا مع الأبرار
القرار
وجوايز معها مكافآت
هاناخدها هناك في السموات
لما ينادينا بأسماينا
علينا يوزع أحلى هبات
بخته اللى يتاجر بنجاح
بالوزنة يحقق أرباح
ده بإكليله راح يتهنى
وهناك تكتر ليه الأفراح
القرار
وجوايز معها مكافآت
هاناخدها هناك في السموات
لما ينادينا بأسماينا
علينا يوزع أحلى هبات
واللي هايربح أجره ثمين
قد الوزنة هاياخد إتنين
وأحلى وأحلى يسوع هايقول له
نعم نعم يا عبد أمين
القرار
وجوايز معها مكافآت
هاناخدها هناك في السموات
لما ينادينا بأسماينا
علينا يوزع أحلى هبات
يُردَّد القرار بعد كل مقطع