بَعد شوَيَّة اللِّيل هايغيب
يُشرُق لِنا تاني نهار
وشَمس البِر مَجيئُه قَريب
ودي أشواق الأبرار
ماليانَة قُلوبنا بشوق
يَسوعنا عَلى الأبواب
ولَمَّا هاييجي ياخُدنا لفوق
نُسكُن في حِضن الآب
القرار
هَلِّلويا هَلِّلويا .. هَلِّلويا آمين تَعال
في إيدينا ماسكين الكِلمَة
نحارِب ونِبني السُّور
نِخلَع أعمال الضَّلمَة
ونِلبِس أسلِحِة النُّور
دَه مَجيئُه أكيد استَنُّوا
هانسيب الأرضيَّات
ووعودُه تأكِّد إنُّه
لينا بيت في السَّمَاويَّات
القرار
هَلِّلويا هَلِّلويا .. هَلِّلويا آمين تَعال
وفي ليلنا هايعلا هُتافنا
نِسهَر هِنا في استِعداد
اسمُه غِنوَة عَلى لِساننا
عَ الأرض وفي الأمجاد
أغانينا تقول لُه اشتاقنا
يا يَسوع بِسُرعَة تَعالَ
وكنيستَك هِنا تِستَنَّى
ومَصابيحها شَغَّالَة
القرار
هَلِّلويا هَلِّلويا .. هَلِّلويا آمين تَعال
يُردَّد القرار بعد كل مقطع