خايف قوي ليه كده مِن بُكره؟
سيب بُكره و بَعدُه لتدبيره
دا خمَس خُبزات ويَّا سمكتين
شبَّعوا أُلوفات و فاض خيرُه
و أنتَ مع يسوع
لا عطَش و لا جوع
هَيسدِّد لَك الاِحتياجات كلها عنَّك
القرار
و لا تقلَق و لا تشغِل فِكرَك
بِيرَتِّب لَك
فرحَك مضمون ويَّاه و أوام
هيطِيب خاطرك
القرار
بس إللي عليك
اِرفَع له أيديك
و اِقفِل بابك وقت الصلوات
و اِفتَح قلبَك
أزماتك رُوح سيبها ف أيده
و اِستَنَّ جوابه و تفسيره
ما هو أب و شايلَك جُوَّه عينيه
اِرجَع بقَى لِيه
ليه تشوف غيره؟
سيب له الموضوع
و اِركَع بخشوع
يتحرَّك قلبه مِن السموات قُدَّام دمعك
القرار
و لا تقلَق و لا تشغِل فِكرَك
بِيرَتِّب لَك
فرحَك مضمون ويَّاه و أوام
هيطِيب خاطرك
القرار
بس إللي عليك
اِرفَع له أيديك
و اِقفِل بابك وقت الصلوات
و اِفتَح قلبَك
يُردَّد القرار بعد كل مقطع