فى أحضان السمائيين
فى مصاف النورانيين
رحل بطرك أمين
البابا شنودة الثالث
يا داوود هات القيثار
والدفء مع المزمار
علشان نزف البار
البابا شنودة الثالث
الله عد ومهد
مناره عاليا شيد
وإختار نظير جيد
البابا شنودة الثالث
ترك العالم الفانى
راهب متوحد روحانى
أنطونيوس السريانى
البابا شنودة الثالث
قرار سامى حكيم
من البابا كيرلس العظيم
شنودة أسقف للتعليم
البابا شنودة الثالث
إختارته السماء
قوى لبى النداء
بطريرك من الحكماء
البابا شنودة الثالث
أكتر من أربعين عام
رئيس كهنه نشيط همام
حتى رحل بسلام
البابا شنودة الثالث
طوباك يا أبانا الحبيب
إحتملت الالآم الصليب
بفرح وشكر عجيب
البابا شنودة الثالث
أحتضنت قطيع المسيح
فى حضنك المريح
مستحق كل مديح
البابا شنودة الثالث
كل من أتاك تعبان
قابلته بكل حنان
خرج من عندك فرحان
البابا شنودة الثالث
قابلت الشر بالخير
قدمت حب للغير
قلبك فسيح وكبير
البابا شنودة الثالث
سيرتك عطره حقيقيه
تعليمك ذهبيه
حكمتك سماويه
البابا شنوده الثالث
قوى لكن لطيف
لين ومش ضعيف
أمين طاهر عفيف
البابا شنودة الثالث
صمتك أبلغ من الكلام
عايش دايماً فى سلام
نُطَوبُكَ كل الأيام
البابا شنودة الثالث
عينيك مليانه حنان
نحو كل إنسان
متشبه بالديان
البابا شنودة الثالث
ملتمس الأعزار للناس
قلبك رقيق حاسس
أنت أغلى من الماس
البابا شنودة الثالث
فى الأمنا وفرحنا
ياما شاركتنا
وسألنا جاوبتنا
الباباشنودة الثالث
جهادك وصلواتك
ثمارهم فى حياتك
وفى كتبك وعظاتك
البابا شنودة الثالث
مهما الظلام يسود
رجاءك ملهوش حدود
وتقول ربنا موجود
البابا شنوده الثالث
ياما إحتملت كتير
ساكت وشايل النير
وتقول كله للخير
البابا شنودة الثالث
كنت بتشتهى
مجد السماء البهى
وتقول مسيرها تنتهى
البابا شنودة الثالث
شاعر صحفى وأديب
أب وصديق وحبيب
من كل قلب قريب
البابا شنودة الثالث
نظمت الإكليريكية
والمعاهد الدينيه
بإداره روحانيه
البابا شنودة الثالث
مصر عاشت فى دمك
وكان هما همك
فى قلبك على فمك
البابا شنودة الثالث
يا قلب مصر النابض
نهر الحب الفايض
للكراهيه رافض
البابا شنودة الثالث
بعد تعب وعناء
تركت أرض الشقاء
وسافرت للسماء
البابا شنودة الثالث
فرحان مع يسوع
لا تعب لاعطش ولا جوع
ولا حزن ولا دموع
البابا شنودة الثالث
اليوم ننظم تمجيد
اغانى روحيه وأناشيد
وبفضائيلك نُشِيّد
البابا شنودة الثالث
أكسيوس أكسيوس أكسيوس لساكن الفردوس
حبيب الرب القدوس
البابا شنودة الثالث
يا عارف أتعابنا
يا أبونا وحبيبنا
أذكرنا يا شفيعنا
البابا شنودة الثالث