مش بفتكرك غير ف الازمة
مش بندهلك غير وانا عاجز
كل ما بكسر حاجز بينا
بلقي يارب مكانه حواجز
دايماً اول حد بشوفك
فاتح وسط الضيقة دراعُه
بتريح قلبي علي كفوفك
وتخفف حزني وأوجاعي !
القرار
خدني في حضنك انا تعبان
يا يسوع نسيني الأحزان
أنا حسيت عندك بأمان
اول ما لمستك وبكيت
القرار
وان مهما الدنيا تتعبني
وتوديني يمين وشمال
برجع لك علشان م الاخر
ليا انا غيرك أصلا مين ؟!
طول عُمري بَجيلك في الضيقه
مش بتطمن الا معاك
أول ما القي لضيقتي طَريقة
بجري بعيد عَنك وانساك !
واما الدُنيا تضيق من تاني
رِجليا توديني مَكانك
علشان لو لفيت الدُنيا
مش بطمن إلا معاك !
القرار
خدني في حضنك انا تعبان
يا يسوع نسيني الأحزان
أنا حسيت عندك بأمان
اول ما لمستك وبكيت
القرار
وان مهما الدنيا تتعبني
وتوديني يمين وشمال
برجع لك علشان م الاخر
ليا انا غيرك أصلا مين ؟!
يُردَّد القرار بعد كل مقطع