(وقت الخوف بتضمني
يارب علشان بتحبني
خلتني اقولك يا ابويا
ومعني الحب عرفتني)x2
راعي وادتني بيتك وارضك
فى كلامك ولا عمري اعارضك
انت طريقي وهمشي معاك
مرتاح واثق هتدلني
والتسبيح لأسمك ده سعاده
والصلاه يوماتي دي احلي عادة
انا عشمان في وقت زيادة
في حضنك يا يسوع
وقت الخوف بتضمني
يارب علشان بتحبني
القرار
بتحبني ومفيش دليل
اكبر من انك مت علشاني
بتحبني حب ملوش مثيل
وانا مستنيك تيجي تاني
لو احلامي وأماني
العمر كله اتبخرت
وطول الوقت لوحدي بكون
عمر ايديك يارب
ما في يوم عليا اتأخرت
وإحساس الامان معاك مضمون
(كل امالي اتبعك وانت بتسبني اقعد معاك
والقعده معاك ليها طعم تاني وراحه قلبي اني اسمعك )x2
لما تحط ايدك عليا
لما بطيبة تمسك ايديا
وتدافع عني وترفع راسي
قصدهم رغم الخطية
في الافراح تباركني بحراره
وفى امتحان تنجحني بجدارة
والاحزان تبقي مرارة
من غير عزاك
كل امالي اتبعك
وانت بتسبني اقعد معاك
القرار
بتحبني ومفيش دليل
اكبر من انك مت علشاني
بتحبني حب ملوش مثيل
وانا مستنيك تيجي تاني
يُردَّد القرار بعد كل مقطع