راجعلك أصل أنا منك وماأرتاحش بعيد عنك
بحبك أيوة ياربى أنا ملكك أنا ابنك
القرار
يا شايل حملي على كتفك يا ناقش اسمى على كفك
غلطت كتير وتهت كتير ومهما أبعد أنا فى قلبك
ومن جهلى باسيب حضنك كثير وانساك
وتندهلي ونفسي عاملة مش سمعاك
ولما أدوس علي الأشواك وتوحشني الحياة وياك
باسيب الدنيا واجري عليك وبألجأ ليك
القرار
يا شايل حملي على كتفك يا ناقش اسمى على كفك
غلطت كتير وتهت كتير ومهما أبعد أنا فى قلبك
ولو تسمح أنا مستني هنا علي الباب
ياريت تفتح ياربي أنا جاي بعد غياب
أنا واقف على الأعتاب معاك بارتاح من الأتعاب
وقلبي القاسى حن وتاب وبأنده ليك
القرار
يا شايل حملي على كتفك يا ناقش اسمى على كفك
غلطت كتير وتهت كتير ومهما أبعد أنا فى قلبك
يُردَّد القرار بعد كل مقطع