ربنا كلمني وقالي قود شعبي
وانا هخليك سفير عني
وسط شعبي
قولتله لساني تقيل
في الكلام انا مش خبير
ولا غني في التعبير عنك
وسط شعبك
قالي هات عصياتك ارميها
تبقي حية واخليها
علي طول تسمع كلامك
ولما تأمر ترجع عصايا تاني
حط ايديك جوة جيبك
تطلع بيضا زي التلجة
ولما هتدخلها تاني
ترجع تاني زي ما كانت
القرار
موسي انا عايزك انت
موسي قود شعبي وانت
واثق اني انا معاك
كل خطوة انا وياك
القرار
انا اللي عملت الانسان
لسان وعنين وودان كمان
وانا برضو اله حنان
اقدر اديك سلطان
عرفت انه اله قدير
يستحق كل التقدير
امشي وراه من غير تفكير
في مشاكلي وعيوبي
ده هيقدر يخفيها
ويعلاجها ويشفيها
علي شأني وخلاني
وسط شعبي واحد تاني
القرار
موسي انا عايزك انت
موسي قود شعبي وانت
واثق اني انا معاك
كل خطوة انا وياك
القرار
انا اللي عملت الانسان
لسان وعنين وودان كمان
وانا برضو اله حنان
اقدر اديك سلطان
يُردَّد القرار بعد كل مقطع