20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

صورة زمان

العربية

صوره زمان والرب رسمها
والصوره كانت انسان
وبايده أبدع الوانها
واداها من روحه كمان
فين دلوقت احنا من الصوره
فين الطاعه فين الايمان
الصوره صبحت مكسوره
والإنسان مبقاش انسان
القرار
تحت صليب الحب عبرنا
من العبوديه لمجد الله
لما دماه الغاليه فدتنا
وبموتك ادتنا حياه
فى البريه يارب مشينا
وانت معانا عمود من نار
وسحابه تهدى خطاوينا
وتحمينا من الأخطار
فى البريه عنينا معاك
لكن قلبنا اعمى وخايف
حاسين وعنينا شايفاك
لكن قلبنا ليه مش شايف
القرار
تحت صليب الحب عبرنا
من العبوديه لمجد الله
لما دماه الغاليه فدتنا
وبموتك ادتنا حياه
وازاى ننسي حبك لينا
لما جعلت البحر طريق
وبميه وبمن سماوى
نجتنا من وسط الضيق
وتبوت العهد والخيمه
تشهد انك لينا رفيق
وكنيسه والهنا ساكنها
قوه ومجد وقلب رقيق
القرار
تحت صليب الحب عبرنا
من العبوديه لمجد الله
لما دماه الغاليه فدتنا
وبموتك ادتنا حياه

يُردَّد القرار بعد كل مقطع