القرار
طَيِّبنا نرجوك تَوِّبنا
فنستحق تطوبنا
لو حتى حَكَمِت أدِّبنا
ويبقى لنا نَصيب م التطويبات
اظهر فينا وبان بوضوح
خلينا مَلح ونور فين ما نروح
خلينا نعيش مساكين بالروح
فيكون لينا ملكوت السموات
القرار
طَيِّبنا نرجوك تَوِّبنا
فنستحق تطوبنا
لو حتى حَكَمِت أدِّبنا
ويبقى لنا نَصيب م التطويبات
عشان على ذنوبنا حزانَى
تُبنا فملا قلوبنا عزانا
تُوبنا ابيَض إلهنا جزانا
وبَعت لنا فَرحة وتعزيات
صورتك قُدَّامنا آهيه واضعين
فزيك خلينا مُتواضعين
وُدَعاء للأرض نكون وارثين
لينا نصيب ف قلوب بالآلافات
القرار
طَيِّبنا نرجوك تَوِّبنا
فنستحق تطوبنا
لو حتى حَكَمِت أدِّبنا
ويبقى لنا نَصيب م التطويبات
للبِر دايمًا جَوَّعنا
م البِر دايمًا شَبَّعنا
عَطَّشنا ليك بيك مَتَّعنا
شُوقنا إليك إنت احييه لو مات
ارحمنا يا رب ارحمنا
زي احنا لغيرنا ما رحمنا
لا تُهنا عَنَّك ف زِحامنا
ولا رحنا لغيرك ف الضيقات
القرار
طَيِّبنا نرجوك تَوِّبنا
فنستحق تطوبنا
لو حتى حَكَمِت أدِّبنا
ويبقى لنا نَصيب م التطويبات
باصلي وكلامي لا انقيه
ولا با اراجعه قلبي نقيه
كما قلب طفل طاهر خليه
خليه يشوفك بدون احتجابات
مَلك السلام وامَّا صَنعناه
وامَّا نجدنا الناس في مُعاناة
بقينا ولادك ده كلام مَعناه
كبير تقدير واغلى الوِسامات
القرار
طَيِّبنا نرجوك تَوِّبنا
فنستحق تطوبنا
لو حتى حَكَمِت أدِّبنا
ويبقى لنا نَصيب م التطويبات
لو ليك شَهَدنا استَبعَدنا
العالَم وِنَفانا وِبَعَدنا
فيا للفَخر وما أسعَدنا
هتعَوَّضنا ولينا مُكافآت
قال عيرونا بإيماننا
ده أماننا وأغلى ما نتمنى
قال قفلوا بِبانهم قُدَّامنا
طب بابه مفتوح طول الاوقات
القرار
طَيِّبنا نرجوك تَوِّبنا
فنستحق تطوبنا
لو حتى حَكَمِت أدِّبنا
ويبقى لنا نَصيب م التطويبات
يُردَّد القرار بعد كل مقطع