عايز أحبك بجد
مش بالقول والكلام
ولا يبقى في قلبي حد
أبقالك بالتمام
دا انا ياما قلت إني بحبك
وقلبي مش معاك
وياما شهدت عن حبك
والفكر بعيد هناك
عايز أرنم وأعيش
كل الكلام اللي أقوله
والفرحه ماتنتهيش
في الغربه الليل بطوله
دا انا ياما هتفت بلساني
وقلبي بينزف دموع
والضعف في قلبي قساني
وعشش بين الضلوع
عايز أدوب في الكتاب
وأعيش بين السطور
وأرتاح أنا من عذاب
البعد والفتور
دا انا ياما مسكته بإيديَّ
وماحسش قلبي بيه
وياما قريته بعيني
وماعشتش باللي فيه