20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

عايشين بالوعد

العربية

عايشين والوعد بيحمينا
منقوشة بكفَّك أسامينا
تروينا بحبَّك تحيينا
وحياتنا مليانة هتاف
ترفعنا تحقق أحلامنا
وحنانك يشفي آلامنا
وبحبك تملا أيامنا
ولا يرجع القلب يخاف
القرار
يسوع يا حلو يا غالي
يسوع يا مصدر آمالي
(حبيب ولا كل الحبايب
ومعاه العيشة تحلا لي)x2
وياك أشواك الهم تزول
وأنين الكسرة معاك بيزول
وحياتنا معاك تهتف وتقول
ده إلهنا إله غالب ومهول
لا دموع ولا حزن ولا هموم
ده مسيحنا في قلبه لينا أفراح
وخلاص مش راح يبقي ولا يدوم
في القلب أوجاع ولا جراح
القرار
يسوع يا حلو يا غالي
يسوع يا مصدر آمالي
(حبيب ولا كل الحبايب
ومعاه العيشة تحلا لي)x2
مجدك ها يزيد جوه عنينا
تشبعنا دايمًا وإحنا معاك
ووعودك تسكن فينا أكيد
من مجد لمجد نعيش وياك
وتحرر كل المأسورين
ولا يوم هايقوى علينا أنين
وكل قلوب المكسورين
اليوم هاتكون وياك غالبين
القرار
يسوع يا حلو يا غالي
يسوع يا مصدر آمالي
(حبيب ولا كل الحبايب
ومعاه العيشة تحلا لي)x2

يُردَّد القرار بعد كل مقطع