عندي خبر كلنا عارفينه
بس أوقات بنكون ناسيينه
إن العالم من حوالينا
بيصدَّر لينا قوانينه
ناخد بالنا
لو يوم جالنا
يقلب حالنا
ها نواجهه ونكون غالبينه
القرار
عايزين عايزين نبقى من الشطار
ناويين مش ها نعمل زي الأشرار
القرار
وكلام الله ها يقوينا
ونعيش بيه ضد التيار
لو ها نعيش هنا ملح ونور
يبقى نكون على قد الدور
مش ها نشابه أهل العالم
وكتابنا يبقى الدستور
نور خطواتنا
ف كل حياتنا
وف رحلتنا
يحمينا من أي شرور
القرار
عايزين عايزين نبقى من الشطار
ناويين مش ها نعمل زي الأشرار
القرار
وكلام الله ها يقوينا
ونعيش بيه ضد التيار
يُردَّد القرار بعد كل مقطع