20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

قلبي أسير

العربية

قلبي أسير نعمتك
وعملها في قلب حياتي
ده أنا مديون لرحمتك
من بداياتي لنهاياتي
جبتني من المزابل
وصنعت لي اسم جديد
وكنت راجع وقابل
تقبلني ضمن العبيد
(قلبي أسير)x3
نعمتك
قلبي رهين كلمتك
وجهني منين ما تريد
ده أنا مشتاق في سكتك
صوتك في حياتي يزيد
وأتحرك وأنا شايفك
ببساطة عين عارفاك
وأعيش لك وأنا خايفك
بقداسة ناس عايزاك
(قلبي رهين)x3
كلمتك
قلبي شهيد خدمتك
وأضيع فيها الغالي
أعلن اسمك وفديتك
وصليبك وانكر حالي
يد على المحراث
وبالتانية بامسح دموعي
ناسي كل اللي فات
وصوابعي لأجلك شموعي
(قلبي شهيد)x3
خدمتك
قلبي مناه مجيتك
ويكون في سراجي الزيت
مع حكيمات بيعتك
كعذارى لازمنا البيت
سهري لاسمك باغني
ونشيد يجر نشيد
وفوق ها يبقى التغني
بفرح أبدي ومجيد
(قلبي مناه)x3
مجيتك