كل يوم بيزيد احتياجي ليك
اني اسمع صوتك وقلبي يشبع بيك
تتقابل معايا وجهك ربي أشوف
تملاني سلامك وتشيل مني الخوف
القرار
شوق قلبي اني اكون قدامك علطول
وحضورك يملا حياتي واعيش اللي باقول
قدس ربي كياني وعنيا ولساني
نقي عقلي وفكري وبوجهك سير قدامي
نظري يبقي عليك في دخولي وخروجي
بمهابتك ترافقني وتحفظ قلبي وشوقي
القرار
شوق قلبي اني اكون قدامك علطول
وحضورك يملا حياتي واعيش اللي باقول
اثمر بي لمجدك وقدني في مشيئتك
وقلبي يشبه قلبك في عواطفك وف حبك
الناس يشوفوك فيًَ في حياتي العملية
وتكون دايمًا قدامي ومالي يارب عيني
القرار
شوق قلبي اني اكون قدامك علطول
وحضورك يملا حياتي واعيش اللي باقول
يُردَّد القرار بعد كل مقطع