لو عايز من تاني ترجع شركتك ويا الحبيب
انفصل عن اي ضلمة ليها قلبك بات قريب
انفصل وعلي سورك وابتعد عن الغريب
شوف حبيبك فين واقعد وسط قطعان الحبيب
خلي بالك سور حياتك معادش زي ما كان زمان
اي شئ بيمر منه والقوة خارت والايمان
واي ثغرة جوه سورك ياما ادخلت تعالب
اطلبه يرمم حياتك تبقى فيه فرحان وغالب
ليه عينيك دايما تزوغ وتجري دايما ع التنايا
املا قلبك باللي حبك دا المسيح فيه الكفاية
واية في كل الكون دا كله يستاهل تجري عليه
وانت عارف انه بكرا هيتحرق مش هتلاقيه
واوعى تدخل يوم في شركة حتى لو فيها المكاسب
فيها خلطة بالظلام دانت نور في الرب حاسب
اديله الفرصة ف حياتك يملى عينك والكيان
وف مخافته لو تعيش يكرمك طول الزمان
خلي سيدك هو حارسك وكلّه على الحياة
يحرسك سهران عليك دا انت في ايد الاله
سلمه في خضوع حياتك قوله عايز مني اية
سيدي مش ممكن انا ارضى غير ما ترضى انت بيه