القرار
مريم أم الغلابة : بلسم يشفي التعابى
قدام الله تملي : صلواتها مستجابة
يا بتول زادت علينا : أحزاننا و اتحنينا
تحت حمولنا و بقينا : في هموم متقيدين
ويا أم يسوع فادينا : بشافعتك صلي لينا
عايزين معونة لينا : لحنانك محتاجين
القرار
مريم أم الغلابة : بلسم يشفي التعابى
قدام الله تملي : صلواتها مستجابة
الليل بيغيب نهاره : و القلب يزيد مراره
و النور طال انتظاره : يا مريم تعبانين
ابليس بشباكة صابحة : و لكل دقيقة صدمة
أمور الله قصادنا : و عنينا مغمضين
القرار
مريم أم الغلابة : بلسم يشفي التعابى
قدام الله تملي : صلواتها مستجابة
العالم بيحاربنا : و من الشر تعبنا
و من الدنيا شربنا : و لسة عطشانين
ده يسوع فاتح بيبانه : صلي لينا ندوق سلامه
يروي قلوبنا بحنانه : و يهدي الحيرانين
القرار
مريم أم الغلابة : بلسم يشفي التعابى
قدام الله تملي : صلواتها مستجابة
يُردَّد القرار بعد كل مقطع