معرفش ليه مع أني مش قاصد نهائي أكون أناني
ولا عندي مانع إني افشل يوم و أجرب مرة تاني
أوقات كتير بحلم وببقي مُصر حلمي يكون عشاني
ولو مكانش ازعل واقول مش كل حاجه بتدهاني
القرار
علمني لما أحلم تكون احلامي ماشية في خطتك ، واقدر اللي عملته ليا وأحبه ومابصش لغيري
القرار
ولما تمنع عني حاجه أشكر وانفذ رغبتك، وافهم ياربي أن انت قصدك في النهاية هو خيري
دايما بكون مستعجل الطلبة إللي بطلبها في صلاتي
مش قادر استني استجابتك ووقتك أنت برا حساباتي
أنا عايز امشي حسب مشيئتي وخطتي وترتيباتي
وبرفض اديلك يارب الفرصة أنت تقود حياتي
القرار
علمني لما أحلم تكون احلامي ماشية في خطتك ، واقدر اللي عملته ليا وأحبه ومابصش لغيري
القرار
ولما تمنع عني حاجه أشكر وانفذ رغبتك، وافهم ياربي أن انت قصدك في النهاية هو خيري
أخترت ياما لنفسي بس تعبت وتعبتك معايا
لأني باجي تملي ليك أول ما بفشل في النهاية
لكن خلاص عدي اللي عدي أنا في النهاردة وكده كفاية
أنا مش هقرر لنفسي تاني وهجيلك انت من البداية
القرار
علمني لما أحلم تكون احلامي ماشية في خطتك ، واقدر اللي عملته ليا وأحبه ومابصش لغيري
القرار
ولما تمنع عني حاجه أشكر وانفذ رغبتك، وافهم ياربي أن انت قصدك في النهاية هو خيري
يُردَّد القرار بعد كل مقطع