20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

نوح

العربية

بكلامه الحلو وصوته الهادي
كان نوح البار واقف بينادي
بيقول لكل الدنيا تعالوا
أحضان الله في الفلك تنادي
وباين العالم سد ودانه من طين وعجين وساكن في مكانه
لو فكر لحظة كان يتعلم إزاي الحيوانات سمعاله
القرار
واهو كل يوم جرس الكنيسة
يرن تن تن تن تن
ينده علينا تن تن تن تن تن
ده يسوع لحضنه داعيك
القرار
وفي بيته مستينك
ويدق قلبك تن تن تن تن تن
الفيل اتقلب قام من نومته
وفرك في عينيه ورفع زلومته
مش ممكن أخلي النوم يغلبني دا انا شوقي في قلبي لربي سابقني
والقرد اتشقلب ع الشجراية
اتنين اتنين نطوا ويايا
مش عاوز أروح لإلهي لوحدي غير كل صحابي ما يبقوا معايا
القرار
واهو كل يوم جرس الكنيسة
يرن تن تن تن تن
ينده علينا تن تن تن تن تن
ده يسوع لحضنه داعيك
القرار
وفي بيته مستينك
ويدق قلبك تن تن تن تن تن
البلبل رنم والعصفورة
والكروان قال غنوة صغيورة
أنا قلبي في بيته أكيد مطمن وحياتي معاه دايما منصورة
والديب يدبدب ع التلجاية
ويقول للنحلة يلا معايا
دا كلامه الحلو في بيته يشبع أحلى من الشهد كمان جوايا
القرار
واهو كل يوم جرس الكنيسة
يرن تن تن تن تن
ينده علينا تن تن تن تن تن
ده يسوع لحضنه داعيك
القرار
وفي بيته مستينك
ويدق قلبك تن تن تن تن تن

يُردَّد القرار بعد كل مقطع