هل في أمل يجيني بكره أحسن
هل في سبب إني أكمل وأعيش
هل في أكبر من حزني وإيه اللي يضمن
آخر ضي فيَّ مينطفيش
هو اللي راح وخسرته إيه هيعوضه
هي الجراح والحزن مين هيقدّره
القرار
لا مش هقبل لا أكون موجود
من غير حياة
لا أنا ليَّ إله غالب الموت
وإداني رجاء
لو أغلب صفحات قصة حياتي
مليانة بالهزيمة والفشل
مليانة لكن لسة مش نهايتي
هل يرجع يعيش فيَّ الأمل
مفاضلش غير رحمة إله بيحبني
مادد إيديه ينقذ حياتي يردني
القرار
لا مش هقبل لا أكون موجود
من غير حياة
لا أنا ليَّ إله غالب الموت
وإداني رجاء
مين يشفي قلبي ويرجع شبابه
بعد ما عجز قلبي من زمان
مين غيرك يا يسوع أجري لحضنه
يرمّم الكسور يدي الأمان
عندي إيمان
شمسك تنور سكتي
آن الأوان
أنهض واكمل رحلتي
القرار
لا مش هقبل لا أكون موجود
من غير حياة
لا أنا ليَّ إله غالب الموت
وإداني رجاء
يُردَّد القرار بعد كل مقطع