20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

هنسيب الدنيا

العربية

ها نسيب الدُّنيا وِمَا فيها
نَظرِتنَا هناك ع الأبديَّه
عايشين علشان نِكرِم شخصك
وحياتنا نقدِّمها هديَّه
مش راح نتأثَّر أو نِمشي
وَيَّا الأفكار البشريَّه
لكن وَرَا صُوتك وإرادتَك
(ها نعيش إن كان لينا بقيَّه)x2
القرار
جهّزنا علشان تستخدمنا
خلينا نعيش بالمواعيد
وإيِماننا يِكبَر ويزيد
القرار
ارسلنا لكَرمَك، خلِّينَا
نِرجَع بِثِمَارَك يا مَجِيد
عايزين رُوحك يِعمِل فِينَا
نِبقَى ينابيع لِلعَطشَان
تِوصل كَلِمَاتَك يا فَادينَا
بِغِنَى النِّعمَه في كُلّ مَكَان
إدِّينا قُوَّه بسلطانك
خلِّينا نعِيش لَك بإيمان
وإيماننا يكون فوق المنظور
(نِتحَدَّى بيه كُلّ عِيَان)x2
القرار
جهّزنا علشان تستخدمنا
خلينا نعيش بالمواعيد
وإيِماننا يِكبَر ويزيد
القرار
ارسلنا لكَرمَك، خلِّينَا
نِرجَع بِثِمَارَك يا مَجِيد
مَهمَا إن كَان في طريقنا
صعوبات إن كانِت وآلام
ها نكَمِّل طُول ما انتَ معانَا
نِفضَل في طريقنا لقُدَّام
يمكن نِتألِّم أو نِتعَب
أو حَتَّى نعدِّي فِي ألغام
تِمسك بإيدينا وتِدِّينا
(نِمشي فُوقها بالأقدام)x2
القرار
جهّزنا علشان تستخدمنا
خلينا نعيش بالمواعيد
وإيِماننا يِكبَر ويزيد
القرار
ارسلنا لكَرمَك، خلِّينَا
نِرجَع بِثِمَارَك يا مَجِيد

يُردَّد القرار بعد كل مقطع