20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

هيمي يا نفسي

العربية

هيمى يا نفسى واعلى يا روحى
فوق أثقال الجسديات
بصى لفوق وعنيكى مرفوعة
وإوعى تبكى الأرضيات:
روح الله عمال بيشدك
ويدوقك السماويات
وانتى لتحت بترثى لحالك
ماسكة ف ذكرى على الطرقات
القرار
طيرى يا نفسى وياكى روحى
حلقى فوق فوق السحاب
دى مكتوبالك أمجاد عالية
تمتلكيها فى حضن اﻵب
دوقى يا نفسى واتلذذى
بالشهد اللى فى كلمته مكتوب
وعلى ذوقك واستطعمى
مخصوص علشانك ع المطلوب
دة ناصبلك مايدة سماوية
فيها شبع وغنى وروحانية
تدوقيها كمان تستحليها
تتطمن روحك عليها
القرار
طيرى يا نفسى وياكى روحى
حلقى فوق فوق السحاب
دى مكتوبالك أمجاد عالية
تمتلكيها فى حضن اﻵب
إوعى يا نفسى تسيبى رجاءك
أو تنسى إيمانك بالله
فى ساعتها ارفعى جناحاتك
يوم ورا يوم واستنى لقاه
منتظروه بيجددوا قوة
وﻻ يتعبوا م المشى معاه
يركضوا دايما جرى وراه
زى النسر يطيروا لله
القرار
طيرى يا نفسى وياكى روحى
حلقى فوق فوق السحاب
دى مكتوبالك أمجاد عالية
تمتلكيها فى حضن اﻵب

يُردَّد القرار بعد كل مقطع