بقينا نتأخر أوي ف إحساسنا بقيمة الحاجات
نندم على سنين انتهت .. وفرص ضايعة وزكريات
وساعات كتير .. مش بنتعلم نحافظ ع اللي جاي
غير من غلطنا ومن دورس .. عدم حفاظنا على اللي فات
القرار
وعد مني .. السنة دي .. من البداية هاعيشها ليك
مش هافاصل معاك ف حاجة ومش هاخليلك شريك
السنة دي يارب عايزك تبقي راضي بجد عني
القرار
مش هاضّيع وقت تاني من حياتي ف الكلام
بوعدك هاتكون ملك على الأحلام وع الأيام
السنة دي هاعيش حسب قلبك يارب .. وعد مني
قدرت قيمة كل أيامي اللي راحوا .. ومارجعوش
كل يوم انا عشته من غيرك كأني ماعشتهوش
مشتاق اعوض بيك خسارتي واعيش معاك كل اللي فاتني
الدرس كان قاسي وانا واخد قرار .. ما اكرروش
القرار
وعد مني .. السنة دي .. من البداية هاعيشها ليك
مش هافاصل معاك ف حاجة ومش هاخليلك شريك
السنة دي يارب عايزك تبقي راضي بجد عني
القرار
مش هاضّيع وقت تاني من حياتي ف الكلام
بوعدك هاتكون ملك على الأحلام وع الأيام
السنة دي هاعيش حسب قلبك يارب .. وعد مني
يُردَّد القرار بعد كل مقطع