يا بَخت كُل مِسكين
وطالِب النَّجاة
لِأن ليه المَلَكوت
مِن سَيِّد الحَياة
يا بَخت كُل حَزين
عَ الشَّر والآثام
لِأن ليه فَرَح عَظيم
وغُفران وسَلام
يا بَخت كُل الودَعا
اللِّي بحِكمِتهُم والدُّعا
ليهُم حِمايَة وبَرَكات
في الدُّنيا دي والسَّماوات
أصحاب السَّعادَة
يا بَختُهُم زيادَة
ومِش عايزين غير حاجَة
مَجدَك يا يَسوع
سايبين لَك القيادَة
وسَلِّموا الإرادَة
خُضوعهُم ليك عِبادَة
مَجدَك يا يَسوع
يا بَخت كُل عَطشان
ومِن قَلبُه جَعان
لِلبِرّ والقَداسَة
يشبَع ويفيض كَمان
يا بَخت اللِّي رَحيم
عَلى النَّاس كُلُّهُم
وبيرحَم غيرُه
زَيّ ما هوَّ اترَحَم
يا بَخت أنقياء القَلب
لِأنُّهُم شايفين الرَّب
يا بَخت صانِعي السَّلام
أولاد الله بِالتَّمام
يا بَخت المَطرودين
واللِّي مِتألِّمين
عَشان جوَّه رسالِتهُم
اسمَك الثَّمين
ومَهما كان في نوحهُم
قوِّتَك فَرَحهُم
وتَوصيل الإنجيل
هوَّ دَه نَجاحهُم