20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

يا حبيبي انت تقدر

العربية

القرار
يا حبيبي إنت تقدر لمَّا يعجز البشر
لما تبقى الأرض ناشفة م السما يجي المطر
مين يشيل عنِّي حمولي لما تتقل فوق كتافي
مين يخلِّي نبعي فايض لما باشكي من جفافي
مين يحسّ ومين يواسي لما يتمرمر حشايا
مين يرِقّ ومين يداوي لما تطحنّني الرحايا
القرار
يا حبيبي إنت تقدر لمَّا يعجز البشر
لما تبقى الأرض ناشفة م السما يجي المطر
مهما كان الحُزن علقم تملى قلبي بتعزياتك
مهما كان الجرح مؤلم إنت تغمرني بحنانك
إنت تقدر إنت تحفظ مهما كان حجم الخطر
إنت جاي وفرحي يكمل هوَّ دا أحلى خبر
القرار
يا حبيبي إنت تقدر لمَّا يعجز البشر
لما تبقى الأرض ناشفة م السما يجي المطر

يُردَّد القرار بعد كل مقطع