20 Brookdale Road, Stamford, CT (opens in a new tab) · 203-455-7447

SPSA Church Giving (opens in a new tab)

يا رب سلام

العربية

تنزل دموع تفضل تسيل
تطلع آهات وقت الرحيل
لكن يا أنبا ميخائيل
فى شئ معزى قلبنا
هو انك انت بقيت شفيع
بتصلى لخلاص الجميع
ومع المسيح فى مكان بديع
بالطبع افضل من هنا
وقت التجارب والآلام
يرفع صليبه على الدوام
ويا ماقال يارب سلام
وابعت الهنا سلام لنا
كان راعى صالح مش أجير
وكان روحانى ومستنير
وخدمنا بمحبة وضمير
وكان ابونا كلنا
وكان لكل الدنيا نور
حازم اوى وجد ووقور
صاحب فضايل مش مغرور
ولا عالى وبعيد عننا
مقفلش بابه فى وش حد
ومحبته ولا ليها حد
وكان حد متواضع بجد
شايل معانا حملنا
ياما عدى بمشاكل وضغوط
وفى عز ضيقته كان مبسوط
سيدنا يا مطران اسيوط
طالبين صلاتك عننا
ابونا بركة هذا العصر
ياللي فضايلك ملهاش حصر
صلى لبلدنا الغالية مصر
وللكنيسة امنا