القرار
يا نور جميل قدامي نوّر
يا بال طويل في الحزن صبر
هدوء وداعة حنوّ يا مريم
أمي الشفيعة عليكى بأدوّر
بأنادي إسمِك وأهادي صورتِك
وإن تهت عنك أرجع وأدوّر
عن كنز غالي مدفون في قلبِك
عن حب مالي روحِك وعقلك
القرار
يا نور جميل قدامي نوّر
يا بال طويل في الحزن صبر
هدوء وداعة حنوّ يا مريم
أمي الشفيعة عليكى بأدوّر
أجمل صفاتِك قافلة عليها
وآلاماتِك ما شاكيتى بيها
وكل ما إنتِ صامتة وديعة
يا أم طاهرة أسوار منيعة
القرار
يا نور جميل قدامي نوّر
يا بال طويل في الحزن صبر
هدوء وداعة حنوّ يا مريم
أمي الشفيعة عليكى بأدوّر
دوّرت عنك آه من تواضعك
ده برغم إبنك وإلهنا رافعِك
أعطاكِ طوبة من كل جيل
سبتى المهابة عشتِ القليل
القرار
يا نور جميل قدامي نوّر
يا بال طويل في الحزن صبر
هدوء وداعة حنوّ يا مريم
أمي الشفيعة عليكى بأدوّر
تركتِ قدوة عن نفس بارة
ربطت كيانها بيسوع في تقوى
عاشت حياته أخدت صفاته
وإحنا معاها عايشين بنسعى
القرار
يا نور جميل قدامي نوّر
يا بال طويل في الحزن صبر
هدوء وداعة حنوّ يا مريم
أمي الشفيعة عليكى بأدوّر
يُردَّد القرار بعد كل مقطع