ياللي ليك كل السلطان في
الأرض وفي البحر كمان
جايين لك بخشوع ساجدين
بمحبة وشكر وعرفان
بنقدم كلمات الحب مش بشفانا لكن بالقلب
لو نقدر العمر بطوله نهتف لاسمك إنت يا رب
القرار
دا مافيش حد في حبك أبدا وأمانتك وصلاحك لينا
القرار
نعمة تكفي تقودنا دايما مين زيك إنت يا فادينا
مين غيرك جانا وأنقذنا من سلطان وقيود الشر
لما بذنوبنا اتقيدنا اتعذبنا ودقنا المر
جيت إنت اتقيدت بدالنا وأخدت مكان الأشرار
وقبلت إنك تاخد عارنا علشان تطلقنا أحرار
القرار
دا مافيش حد في حبك أبدا وأمانتك وصلاحك لينا
القرار
نعمة تكفي تقودنا دايما مين زيك إنت يا فادينا
مين غيرك قائد رحلتنا ماشي معانا في كل مكان
بمسيرك نتميز إحنا دا معانا رب الأكوان
الناس بتئن وتتحير لكن إحنا معاك مش خايفين
تفضل أمين مهما بنتغير أصلك إنت رب معين
القرار
دا مافيش حد في حبك أبدا وأمانتك وصلاحك لينا
القرار
نعمة تكفي تقودنا دايما مين زيك إنت يا فادينا
يُردَّد القرار بعد كل مقطع