يصنع العجايب ويحقق المحال وأنفاسه تذلذل أساست الجبال
يفتح يمينه يشبع المحتاجين ويمد يده يمسح الدمع اللي سال
بيشدد قلبي ويرفعني من فخ الصياد يحميني
ولو اتسد قصادي طريقي بيشق البحر يعديني
ولا باخشى من خوف ليالي ولا من سهم يطير حوالي
أصل عينيه سهرانة علي وفي ضل جناحه يخبيني
الرب اللي بدمه فداني دايما جنبي وبيعزيني
بادعي له بيسمع لدعايا وبيغمر بالنعمة سنيني
بيثبت خطوات رجلي وبيحفظني وبيعتني بي
وفي وسط جفاف البرية من قلب الصخر بيرويني