سؤال:
واحد بيقول أسرة أبونا أندراوس للمكفوفين (يعني للعميان) تسأل قداستكم هل يجوز طبع مجلة الكرازة بطريقة برايل حتى يمكننا متابعتها؟ [1]
الإجابة:
إحنا نقدر نعمل لكم مجلة خاصة بطريقة برايل نقول لكم فيها اللي ينفعكوا، وممكن نكتب لكم فيها ملخص الأخبار والحاجات دي، لكن طبعها كلها صعب يعني 20 صفحة تطبع لكم كل أسبوعين صعب، لكن نقدر نعمل لكم مجلة بطريقة برايل يعني دي فكرة كويسة.
وأنا إن شاء الله أحطها في جيبي مش مع باقي الأسئلة، وأفكر إزاي أعمل لكم مجلة بطريقة برايل ونديها لكوا تقرأوها، هشوف إزاي نعملها؟ وإزاي يتعمل منها نسخ يعني؟ برضو دي حكاية هشوف يعني أتصل بناس فنيين في شغل برايل عشان نعمل لكم مجلة.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان ” المحبة لا تسقط ابدًا” بتاريخ 29 يوليو 1992م