السؤال:
واحد بيقول: ظهرت ظاهرة غريبة جدًا في هذا الجيل من الشباب والشابات، وهي فَسخ الخطوبات، سواء بعقد أو لِبس دِبَل؟ [1]
الإجابة:
أنا في الحقيقة ما بأسترَيَّحش على حكاية لِبس الدِبَل دي يعني: لا هي طقس كَنَسي، ولا هي ارتباط رَسمي، ولا هي محضر مكتوب، ولا حاجة. بحُجَّة الدِبَل، بيخُش البيت، ويخرج معاها، وكله، وإيه يعني حتة دِبلَة يعني، لا وَدِّت ولا جابت! يقدر يفسخها، وما خسرش حاجة. لكن لما بتكون فيه خطوبة وفيه شَبكَة غالية الثمن؛ بيخاف، لو فسخ، تروح عليه الشَبكَة. صحيح، حكاية الشَبكَة بتعمل له رَبكَة، صحيح.
لكن، تصقفوا على الرَبكَة! هو لازم الناس يعرفوا بعض قبل ما يخشوا في الخطوبة، يعني يتأكدوا من بعض قبل ما يخشوا في الخطوبة. لكن الخطوبة السهلة دية ممكن بتِنفَك.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان “المعرفة الضارة” بتاريخ 20 مايو 1992م