سؤال:
واحد بيقول أنا شاب أرثوذكسي ومتزوج أرثوذكسية وكل ما أجي أحضر الاجتماع زوجتي تمنعني. وذهبت بيها إلى أب اعترافي وكلمها كتير وماهمهاش الكلام، ورغم ذلك بتحداها وأحضر الاجتماع؟ [1]
الإجابة:
السؤال إللي أسأله لك: هي مراتك تُحكمك ولا أنت إللي تُحكمها؟ فلما مراتك تمنعك من الاجتماع تبقى هي إللي بتمشيك وده مايليقش بيك، دي أول نقطة.
ثانيًا، المسيح بيقول: “من أحب أبًا أو أمًا أكثر مني فلا يستحقُني، ومن أحب ابن او ابنة أو أخوات أو زوجة أكثر مني فلا يستحقُني”. فأنت ممكن أن تحب زوجتك لكن مايصحش إنك تحبها أكثر من ربنا. بحيث لو أبعدتك عن ربنا، يُبقى أمامك حاجتين. أول حاجة، لا تطيعها.
ثانيًا، مفروض إنك ترشدها إن هي نفسها تيجي الاجتماعات وتحضر ويبقى ليها حياة روحية. يعني إذا كانت مثلاً بتخاف إنك تسيبها لوحديها في البيت، قولها بدال ما تخافي تعالي معايا وإحنا نحضر سوا ونرجع سوا وتُبقى ماتخافش. إذا كانت ماتحبش طريق ربنا، يبقى مفروض إنك أنت كرأس للمرأة تهديها إلى طريق الله.
قداسة البابا شنوده الثالث
[1] سؤال أجاب عنه قداسة البابا شنوده في عظة بعنوان ” سلسلة الرجاء – حفظ الله لنا” بتاريخ 04 نوفمبر 1987م